SESORAH

Sugeng karaharjan saha karahyon dumateng kula lan panjenengan sedaya.

Panjenenganipun Ibu Kepala SMP N 1 Kalasan ingkang tuhu dahat kinumartan.

Panjenenganipun Bapak/Ibu guru ingkang tuhu minulya ing budi.

Bapak/Ibu wali kelas IX ingkang tuhu kula urmati.

Kanca - kanca kelas IX ingkang kula tresnani

Langkung rumiyin, sumangga panjenengan  sedaya kawula dherekaken ngunjukaken puji syukur wonten ngarsanipun Gusti ingkang Mahakuwaos, ingkang sampun paring kanugrahan dhumateng kula lan panjenengan sedaya, katitik wonten ing wekdal punika kula lan panjenengan sedaya sesarengan wonten ing papan punika kanthi wilujeng mboten wonten alangan punapa.

Para rawuh sedaya ingkang tuhu bahagia mulya kula minangka wakil saking kelas IX ngaturaken pangapunten bilih kula lan kanca kanca kelas IX kathah kalepatan wonten ngarsanipun bapak/ibu guru lan kanca sedaya, lan kula badhe nyuwun pangestu mugi mugi kula lan kanca kanca kelas IX saget lulus kanthi hasil ingkang ngremenaken.

Dhumateng bapak/ibu guru , kawula ngaturaken panuwun sanget amargi bapak/ibu guru sampun maringi kula lan kanca kanca ilmu, lan sabar anggenipun maringi piwulang dhumateng kula lan sedaya. Kangge adik adik kelas VII lan VIII kula pesen supados sregep sinau lan ngurmati bapak/ibu guru.

Cekap semanten atur kawula minangka wakil kelas IX. Bilih wonten pinanggih kalepatan ing basa, kawula nyuwun pangapunten. Matur nuwun

Nama : Yusup Deriawan

No     : 32

Kelas : IX A